Qida sənayesində ixrac yönümlü marketinq
strategiyaları
Zamiq Əhmədov 
Xülasə. Qida sənayesi beynəlxalq iqtisadi sistemdə strateji mövqeyə malik sahələrdən biri olaraq ixrac potensialına görə xüsusi əhəmiyyət daşıyır. Qlobal bazarlarda rəqabətin artması müəssisələri daha məqsədyönlü və adaptiv marketinq strategiyaları tətbiq etməyə məcbur edir. Tədqiqatın məqsədi qida sənayesində ixrac yönümlü marketinq yanaşmalarının formalaşmasını və onların tətbiq mexanizmlərini araşdırmaqdır. Araşdırmada müqayisəli təhlil, sistemli yanaşma və bazar analizi metodlarından istifadə edilmişdir. Nəticələr göstərir ki, ixrac uğuru yalnız məhsul keyfiyyətindən deyil, eyni zamanda, düzgün marketinq planlaşdırması, bazar seçimi və brend mövqeləndirməsindən asılıdır. Rəqəmsal platformaların tətbiqi xarici bazarlarda istehlakçı davranışlarının daha operativ öyrənilməsinə şərait yaradır. Tədqiqat sübut edir ki, qida sənayesində davamlı ixrac fəaliyyəti sistemli marketinq strategiyaları olmadan mümkün deyil.
Açar sözlər: ixrac marketinqi, qida sənayesi, beynəlxalq bazar, strateji planlaşdırma, brend mövqeləndirmə