DOI: https://doi.org/10.36719/2663-4619/113/43-49
Leyla Hüseynova
Eduventure MMC
https://orcid.org/0009-0007-7872-5393
leylarauf83@gmail.com
Neyrologiya və ingilis dili bacarıqları: koqnitiv mexanizmlər
və innovativ öyrənmə metodları
Xülasə
Məqalə nevrologiya və koqnitiv elmlərin müasir nailiyyətləri nəzərə alınmaqla ingilis dili baca-rıqlarının inkişafı üçün optimal metodların müəyyənləşdirilməsinə və praktiki tətbiq imkanlarının araşdırılmasına həsr edilmişdir. Müasir neyroelmi tədqiqatlar göstərir ki, beynin müxtəlif bölgələri dil öyrənmə prosesində iştirak edir və neyrooplastiklik yeni dillərin mənimsənilməsində mühüm rol oynayır. Beyinə əsaslanan öyrənmə üsulları, multisensor yanaşmalar, neyrooplastiklik prinsipləri və innovativ texnologiyalar (süni intellekt, virtual reallıq) ingilis dilini daha effektiv öyrənməyə imkan verir. Müxtəlif beynəlxalq və yerli tədqiqatlar təsdiqləyir ki, xarici dil öyrənilməsi beynin neyron şəbəkələrində dəyişikliklər yaradır, dil bacarıqları yaddaş və assosiasiya mexanizmləri vasitəsilə inkişaf edir. Məqalədə dilin qavranılması və istehsalında Broca və Wernicke sahələrinin, hipokam-pusun və prefrontal korteksin funksiyaları ətraflı izah edilir. Beyin əsaslı öyrənmə yanaşmalarının (oyun əsaslı öyrənmə, NLP, təkrar texnikaları) effektivliyi də vurğulanır. Sonda ingilis dilində danışıq bacarıqlarının inkişafı üçün praktiki və neyroelmi metodların birləşdirilməsi tövsiyə olunur. Gələcək tədqiqatların bu metodların geniş tətbiqinin və effektivliyinin qiymətləndirilməsinə yönəldilməsi vacib hesab edilir.
Açar sözlər: nevrologiya, koqnitiv mexanizmlər, dil öyrənmə, neyroplastiklik, Broka sahəsi, Wernicke sahəsi, hipokampus, prefrontal korteks, beyin əsaslı öyrənmə, multisensor üsullar, süni intellekt, virtual reallıq, oyun əsaslı öyrənmə