DOI: https://doi.org/10.36719/2663-4619/124/156-159
Reyhanə Cəfərova
Bakı Dövlət Universiteti
https://orcid.org/0009-0009-8482-5360
englishwithreyhana@gmail.com
Mustafa Ziyalanın Alengirli Filmler əsərində filmlərin
ədəbi-psixoloji təhlili
Xülasə
Kino yalnız ekranda gördüyümüz aktyor oyunu deyil, o, real həyatda baş verən hadisələrin bədii şəkildə ifadə vasitəsidir. Filmlər eyni zamanda insanın daxil aləminə açılan bir pəncərədir. Türk yazıçısı Mustafa Ziyalanın Alengirli Filmler kitabı film izləyərkən yaranan duyğuları, xatirələri, düşüncələri ön plana çəkərək onun insan şüurunda yaratdığı psixoloji təsirləri araşdırır. Psixiatr kimi peşəkar təcrübəsi olan yazıçı kino səhnələrini obrazların davranışları və bir-birinə münasibəti əsasında təhlil etməyə çalışır. Yazıçı filmləri texniki struktur kimi deyil, insanın özünü dərketməsinin bir forması kimi qiymətləndirir. Beləliklə, Alengirli Filmler filmlərin psixoloji aspektlərini üzə çıxarır və onların birbaşa insanın daxili aləmini güzgülədiyini göstərir.
Açar sözlər: film, yaddaş, emosiya, psixologiya, Mustafa Ziyalan