DOI: https://doi.org/10.36719/2663-4619/117/58-63
Murad Kərimov
Bakı Slavyan Universiteti
Magistrant
https://orcid.org/0009-0006-2535-7382
karimovmurad1122@gmail.com
Müasir cəmiyyətdə gənclərin sosial identikliyinin formalaşdırılması
Xülasə
Mədəniyyətlərarası dialoq müxtəlif etnik və mədəni mənsubiyyətlərə malik fərdlər arasında qarşılıqlı anlaşma, hörmət və əməkdaşlığın qurulması prosesidir. Bu dialoq yalnız fərqli mədəniyyətlərin bir-birinə qarşı dözümlü olması ilə deyil, eyni zamanda identikliklərin qarşılıqlı tanınması ilə mümkün olur. Gənclər bu dialoqun əsas daşıyıcıları hesab olunurlar. Onlar həm texnologiya vasitəsilə daha çox mədəniyyətlə tanış olurlar, həm də təhsil və sosial mühitlərdə müxtəlif mədəni qruplarla təmasda olurlar. Qloballaşma, urbanizasiya və texnoloji modernləşmə prosesi xalq və milli identiklik münasibətlərinə təsirsiz ötüşmür. Gənc nəsil arasında milli dəyərlərə marağın azalması, yerli mədəniyyətin arxa plana keçməsi və kosmopolit dünya görüşünün yayılması milli identikliyə təhdid yaradır. Belə şəraitdə xalqın mədəni irsini yaşatmaq, onu gənclərə ötürmək və milli identikliyi dinamik şəkildə qorumaq vacibdir.
Gənclər mədəniyyətlərarası dialoq prosesində stereotiplərdən uzaqlaşır, empati və qarşılıqlı anlaşma kimi sosial bacarıqları inkişaf etdirirlər. Bu isə onların fərdi və ictimai inkişafına töhfə verir.
Açar sözlər: identiklik, qloballaşma, sosial mühit, dialoq, urbanizasiya