DOI: https://doi.org/10.36719/2663-4619/124/146-150
Çinarə Məhərəmova
Bakı Dövlət Universiteti
https://orcid.org/0009-0001-9941-2392
cinaramaharramova@gmail.com
Kiçik Qafqazın landşaftlarının turizm-rekreasiya
potensialının qiymətləndirilməsi
Xülasə
Kiçik Qafqaz dağları Azərbaycanın fiziki-coğrafi rayonlaşmasında aparıcı mövqe tutan mürəkkəb dağlıq sistemi təmsil edir. Bu ərazi müxtəlif relyefi, zəngin geoloji quruluşu, iqlim dəyişkənliyi, çoxşaxəli landşaft kompleksləri, su ehtiyatları və unikal bioloji müxtəlifliyi ilə seçilir. Eyni zamanda, region təbii estetikası və müalicəvi ehtiyatlarına görə ölkənin ən əlverişli turizm və istirahət zonalarından biri kimi seçilir. Azərbaycanın turizm siyasəti kontekstində, xüsusən də Qarabağ və Şərqi Zəngəzur iqtisadi rayonlarının bərpası və inkişafı mərhələsində Kiçik Qafqaz landşaftlarının faktiki və potensial istirahət imkanlarının qiymətləndirilməsi mühüm elmi və praktik əhəmiyyət kəsb edir. Bu məqalədə Kiçik Qafqazın coğrafi xüsusiyyətləri, geoloji quruluşu, iqlimi, landşaft xüsusiyyətləri, tədqiqat metodları və turizm-rekreasiya potensialının hərtərəfli təhlili təqdim olunur və nəticədə regionun əsas turizm məkanı kimi yüksək dəyəri əsaslandırılır.
Açar sözlər: Kiçik Qafqaz, landşaft, turizm, rekreasiya, qiymətləndirmə