DOI: https://doi.org/10.36719/2789-6919/56/142-145
Cəmilə Məmmədova
Azərbaycan Dövlət Neft və Sənaye Universiteti
texnika üzrə fəlsəfə doktoru
https://orcid.org/0009-0000-6425-6927
cemileadna@mail.ru
Ceyhun Nəsirov
Azərbaycan Dövlət Neft və Sənaye Universiteti
magistrant
https://orcid.org/0009-0002-5162-8845
ceyhunnsirov9@gmail.com
Ləman Səmədli
Azərbaycan Dövlət Neft və Sənaye Universiteti
https://orcid.org/0009-0005-5560-3583
leman.samedli.80@mail.ru
İstilik Elektrik Mərkəzlərində istifadə olunan
qaz-turbin qurğuları (QTQ – İEM)
Xülasə
Məqalədə istilik elektrik mərkəzlərində istifadə olunan müxtəlif qaz-turbin qurğularının işi tədqiq olunmuşdur. 1930-cu illərdən başlayaraq ölkəmizdə kombinləşdirilmiş elektrik enerjisi istehsalı inkişaf etmişdir. Belə ki, sənaye müəssisələrinin və kommunal təsərrüfatların kombinləşdirilmiş istilik və elektrik enerjisi ilə təmin edilməsi aktual məsələlərdən biridir. Kombinləşdirilmiş elektrik və istilik enerjisi hasil edən belə stansiyalar – istilik elektrik mərkəzləri (İEM) yaradılır. Qlobal miqyasda elmi-texniki tərəqqinin sürətlənməsi nəticəsində İEM-lərin səmərəli idarə olunması milli iqtisadiyyatın dayanıqlığı üçün əsas şərtlərdən birinə çevrilmişdir. Azərbaycanın iqtisadi inkişaf strategiyasında İEM-lərin effektiv tədqiqi və tətbiqi mühüm prioritet istiqamətlərdən biri kimi ön plana çıxır. Elmi işin aktuallığı ondan ibarətdir ki, qlobal enerji və iqtisadi proseslər fonunda İEM-lərin düzgün qiymətləndirilməsi və tətbiqi davamlı inkişafın əsas amillərindəndir. Bu tədqiqatın əsas məqsədi ölkəmizdə İEM-lərin mövcud vəziyyətini təhlil etmək, mövcud problemləri aşkara çıxarmaq və onların səmərəliliyinin artırılması yollarını müəyyənləşdirməkdir.
Açar sözlər: elektrik və istilik şəbəkəsi, qaz-turbin elektrik stansiyası, dizel elektrik stansiyası