“Dövlət-universitet-sənaye” tərəfdaşlığının sosial-iqtisadi inkişafa təsirinin maliyyə göstəriciləri əsasında qiymətləndirilməsi
Günel Səfərova 
Xülasə. Müasir dünyada dayanıqlı iqtisadi artım və sosial rifah birbaşa innovasiya ekosisteminin inkişafından asılıdır. Dövlət-universitet-sənaye tərəfdaşlığı (üçtərəfli spiral modeli) subyektlərin potensialını birləşdirərək biliklər iqtisadiyyatının formalaşmasında əsas hərəkətverici qüvvə kimi çıxış edir. Bu məqalədə sözügedən üçtərəfli tərəfdaşlığın sosial-iqtisadi inkişafa təsiri konkret maliyyə göstəriciləri və xərc-fayda analizi sub-modelləri əsasında tədqiq edilmişdir. Tədqiqat zamanı məlum olmuşdur ki, innovasiya sahəsinə qoyulan investisiyalar makroiqtisadi səviyyədə ÜDM-in artımına, mikro səviyyədə isə universitetlərin lisenziya gəlirlərinin və sənayenin investisiya rentabelliyinin (ROI) yüksəlməsinə birbaşa təsir göstərir. İşin praktiki əhəmiyyəti tərəfdaşlıq modellərinin effektivliyini kəmiyyətcə qiymətləndirmək üçün vahid maliyyə metrikalarının təklif edilməsindən ibarətdir.
Açar sözlər: dövlət-universitet-sənaye tərəfdaşlığı, maliyyə göstəriciləri, sosial-iqtisadi inkişaf, kommersiyalaşma əmsalı, xərc-fayda analizi