DOI: https://doi.org/10.36719/2663-4619/115/206-210
Hüseyn Quliyev
Azərbaycan Respublikası DİN-in Polis Akademiyası
https://orcid.org/0009-0002-8686-4995
huseynguliyeff@gmail.com
Dövlət hakimiyyəti nümayəndələrinə və dövlət başçılarına qarşı törədilən
təhqir cinayətinin, internet məkanı və sosial şəbəkələrdə təhqir
hallarına beynəlxalq yanaşma və Azərbaycan Respublikası
qanunvericiliyi ilə müqayisəli təhlili
Xülasə
Müasir dövrdə hüquq sistemləri dəyişən ictimai münasibətlərə uyğun inkişaf etməlidir. Bir çox ölkələrdə dövlət hakimiyyəti nümayəndələrinin təhqir və böhtandan müdafiəsi qanunla təmin olunur. Bu, onların vəzifələrini icra edərkən şərəf və ləyaqətlərinin qorunmasına xidmət edir. Azərbaycan Konstitusiyası bu hüququ tanısa da, Cinayət və İnzibati Xətalar Məcəlləsində bu sahədə konkret sanksiyalar mövcud deyil. Sosial şəbəkələrin təsiri ilə hüquq-mühafizə orqanlarına qarşı təhqiramiz münasibətlərin artması, bu cür əməllərin qanunla ayrıca normativ tənzimlənməsini zəruri edir. MDB və Avropa ölkələrinin əksəriyyətində dövlət qulluqçularının və dövlət başçılarının təhqirinə görə cinayət məsuliyyəti mövcuddur. Məsələn, Rusiya, Belarus, Almaniya, Polşa və Türkiyədə bu əməllər azadlıqdan məhrumetmə ilə cəzalandırılır. Bəzi ölkələrdə isə bu ifadə azadlığı kimi qiymətləndirilir (məsələn, ABŞ). Beynəlxalq təşkilatlar dövlət vəzifəlilərinin daha geniş tənqidə dözümlü olmalı olduğunu qeyd etsə də, şəxsi ləyaqətin qorunması da vacibdir. Azərbaycanda isə bu balansı qorumaq məqsədilə qanunvericiliyə xüsusi normaların əlavə edilməsi təklif olunur.
Açar sözlər: cinayət, dövlət hakimiyyəti nümayəndəsi, dövlət başçısı, hüquq-mühafizə orqanları, cəza, təhqir, böhtan, şərəf, ləyaqət, hüquq pozuntusu