https://doi.org/10.36719/2663-4619/112/66-69
Reyhanə Səfərova
Bakı, Azərbaycan
https://orcid.org/0009-0006-5168-5216
safarovareyhane@gmail.com
Ulu Öndər Heydər Əliyevin terrorizmlə mübarizə siyasəti və onun
tarixi əhəmiyyəti
Xülasə
Terrorizm müasir dövrümüzdə hələ də qarşısı alına bilinməyən, kütləvi şəkildə insan ölümlərinə səbəb olan, bütün dünya ölkələrinin ən təhlükəli ortaq problemlərindən biridir. Tarixində terrorun hər növünə dəfələrlə məruz qalmış Azərbaycan Respublikası, terrorizimə qarşı mübarizədə hər zaman ön cərgələrdə yer alır. Azərbaycan Respublikasının terrorizmlə uğurlu mübarizə strategiyası Heydər Əliyevin adı ilə bağlıdır. Onun rəhbərliyi dövründə ölkədə təhlükəsizlik sistemləri gücləndirilmiş, hüquq-mühafizə orqanları yenidən təşkil edilmiş və terror təhdidlərinin qarşısının alınması üçün milli və beynəlxalq səviyyədə əhəmiyyətli addımlar atılmışdır. Əsasən də, 1999-cu ildə qəbul edilən “Terrorçuluğa qarşı mübarizə haqqında Qanun” və Azərbaycanın müxtəlif beynəlxalq təşkilatlarla əməkdaşlığı Heydər Əliyevin siyasətinin əsas dayaqlarını təşkil etmişdir. Heydər Əliyevin terrorizmə qarşı həyata keçirdiyi tədbirlər Azərbaycanın həm daxili, həm də xarici təhlükəsizliyini əhəmiyyətli şəkildə təmin etmişdir. Onun siyasəti sayəsində Azərbaycan həm regionda həm də beynəlxalq arenada güclü bir tərəfdaş olaraq tanınmış, milli və qlobal təhlükəsizliyin təmin olunmasında əhəmiyyətli rol oynamışdır. Heydər Əliyevin terrorizmlə mübarizə siyasətinin əsas istiqamətləri və onun tarixi əhəmiyyəti məqalədə geniş şəkildə təhil edilmişdir.
Açar sözlər: Heydər Əliyev, terrorizm, terrozimlə mübarizə, 20 Yanvar, Xocalı Soyqırımı, NATO