DOI: https://doi.org/10.36719/2706-6185/54/31-36
Gülnarə İsmayılova
Azərbaycan Dövlət Pedaqoji Universiteti
kimya üzrə fəlsəfə doktoru
https://orcid.org/0009-0001-6364-2313
gulnara.ismayilova@yandex.ru
Hacıağa Sadıxov
Azərbaycan Dövlət Pedaqoji Universiteti
magistrant
https://orcid.org/0009-0006-9610-0103
haciagasadiqov2@gmail.com
Rəqəmsal tədris platformalarından istifadə kimya təhsilinin
yeni imkanları vasitəsi kimi
Xülasə
Məqalədə kimya fənninin tədrisi prosesində istifadə olunan rəqəmsal texnologiyalardan və onların bu fənnin tədrisində yaratdığı imkanlardan bəhs olunur. Rəqəmsal texnologiyalardan istifadə etməklə kimyəvi anlayışların və qanunların şagirdlər tərəfindən daha anlaşılan formada mənimsənilməsində əvəzsiz rolundan danışılır. Süni intellektin təhsil prosesindəki müstəsna üstünlükləri və rolu vurğulanmışdır. Distant təhsilin hazırkı əhəmiyyəti və həyatımızda yaratdığı müsbət, effektiv dəyişikliklərlə irəliləməsi qeyd olunmuşdur. Onlayn platformalar — onlayn dərslər, onlayn laboratoriyalar, mobil tətbiqlər, simulyasiya modellərinin kimya fənninin tədrisində istifadə olunmasının üstünlükləri göstərilmişdir. Tədris prosesində, xüsusən də kimya fənninin tədrisində rəqəmsal texnologiyalardan istifadə şagirdlərin idrak fəallığının artmasına, onlarda mövzuya dair motivasiyanın yüksəlməsinə, mövzunun daha maraqlı və tez mənimsənilməsinə, eləcə də interaktiv mühitin yaranmasına xidmət edir. Aparılan araşdırmalar təsdiq edir ki, rəqəmsal texnologiyalardan istifadə təhsil prosesinin keyfiyyətini yüksəltmək üçün ən vacib amillərdən biridir. Deməli, rəqəmsal texnologiya sahəsi gələcəyin olduqca açıq sahəsi olmaqla yanaşı, həm də rəqəmsal texnologiyaların təhsil sahəsinə inteqrasiyası əsas prioritet istiqamətlərindən biridir.
Açar sözlər: rəqəmsal texnologiya, inkişaf, onlayn platforma, distant təhsil, süni intellekt, mobil tətbiq