DOI: https://doi.org/10.36719/2789-6919/57/102-107
Sevinc Hüseynova
AMEA Şəki Regional Elm Mərkəzi
https://orcid.org/0000-0002-5088-3302
sevinc-bdu89@mail.ru
Ülviyyə Osmanova
AMEA Şəki Regional Elm Mərkəzi
https://orcid.org/0009-0008-9189-8798
ulviyye_2022@mail.ru
Proqramlaşdırmanın tədrisində əsas çətinliklərin müəyyən edilməsi
və həlli yolları: sorğu əsaslı tədqiqat
Xülasə
Bu tədqiqatın məqsədi müəllim rəylərinə əsaslanaraq ümumi təhsil sistemində proqramlaşdırma tədrisində qarşıya çıxan əsas çətinlikləri müəyyənləşdirmək və uyğun həll yolları təklif etməkdir. Məlumatlar 16 informatika müəllimi arasında aparılmış strukturlaşdırılmış sorğu vasitəsilə toplanmışdır. Nəticələr göstərir ki, şagirdlər əsasən alqoritmik düşünmə, sintaksis və bəzi mürəkkəb mövzuların mənimsənilməsi zamanı çətinliklərlə üzləşirlər. Eyni zamanda, şagirdlərin riyazi hazırlıq səviyyəsi ilə proqramlaşdırmaya motivasiyaları arasında əlaqə müşahidə olunmuşdur. Tədqiqat göstərir ki, öyrənmə prosesinin effektivliyini artırmaq üçün dərsliklərin metodiki cəhətdən təkmilləşdirilməsi və innovativ yanaşmaların, o cümlədən oyunlaşdırma və süni intellekt alətlərinin tədrisə inteqrasiyası vacibdir.
Açar sözlər: alqoritmik təfəkkür, proqramlaşdırma tədrisi, tədris çətinlikləri, riyazi hazırlıq səviyyəsi, vizual blok-kodlaşdırma