https://doi.org/10.36719/2663-4619/111/33-38
Yeganə Qaraşova
Bakı Dövlət Universiteti
filologiya üzrə fəlsəfə doktoru
https://orcid.org/0000-0002-7770-8846
UOT 81.111
yegana_garashova3@gmail.com
Müasir türk dillərində ədat və modal sözlər
Xülasə
Tədqiqatın məqsədi. Məqalədə türk dillərində ədat və modal sözlərinin tədqiqindən bəhs edilir. Bu araşdırmanın məqsədi türk dillərində işlənən ədat və modal sözlər haqqında məlumat verməkdir. Müasir türk dillərində ədat və modal sözlər filoloji kontekstdə mühüm rol oynayır. Ədat və modal sözlərin türk dillərindəki rolunu öyrənmək, dilin qrammatik strukturunu daha yaxşı başa düşməyə kömək edir. Tədqiqatın məqsədi dil strukturunun dərk edilməsi, ünsiyyət bacarıqlarının inkişafı, üslub xüsusiyyətlərinin öyrənilməsi, dilin modal çalarlarının araşdırılması və tərcümə bacarıqlarının təkmilləşdirilməsi baxımdan mühüm əhəmiyyət kəsb edir.
Tədqiqat metodu. Müasir türk dillərində ədat və modal sözlərin araşdırılması dilçilikdə müxtəlif metodların tətbiqi ilə aparıla bilər. Araşdırma zamanı əsasən deskriptiv metod (təsviri metod), komparativ metod (müqayisəli metod), sosiolinqvistik metod, semantik metod, fonetik-fonoloji metod, struktur metoddan istifadə edilmişdir.
Tədqiqatın nəticələri. Müasir türk dillərində ədat və modal sözlərini araşdırmaq həm nəzəri, həm də praktiki baxımdan geniş əhəmiyyət kəsb edir. Tədqiqatın nəticələri dil qavrayışının dərinləşməsi, düzgün və effektiv ünsiyyət, üslub xüsusiyyətlərinin aydınlaşdırılması, dil tədrisi və metodikanın təkmilləşdirilməsi baxımdan önəmli əhəmiyyət kəsb edir.
Açar sözlər: türk dilləri, qrammatik qaydalar, türk dillərində ədat, modal sözlər, köməkçi sözlər