DOI: https://doi.org/10.36719/2663-4619/121/22-28
Gülnarə İsmayılova
Azərbaycan Dövlət Pedaqoji Universiteti
kimya üzrə fəlsəfə doktoru
https://orcid.org/0009-0001-6364-2313
gulnara.ismayilova@yandex.ru
Hacıağa Sadıxov
Azərbaycan Dövlət Pedaqoji Universiteti
magistrant
https://orcid.org/0009-0006-9610-0103
haciagasadiqov2@gmail.com
Kimya fənninin tədrisində innovativ pedaqoji yanaşmanın
effektivliyi və tətbiqi
Xülasə
Müasir dövrdə ənənəvi tədris üsulları müasir dövrün tələblərinə cavab vermədiyindən təhsildə innovativ yanaşmalardan daha çox istifadə olunur. İnnovasiya təhsil sistemində olan yeniliklərdir. Təhsil prosesində istifadə olunan innovasiyalar — onlayn platformalar, rəqəmsal texnologiyalar, STEAM təhsili, layihə və problem əsaslı öyrənmə — günümüzdə böyük əhəmiyyətə malikdir. Bu
saydıqlarımız şagirdlərdə yaradıcı və tənqidi təfəkkürü, kollektiv işləmə bacarıqlarını və müstəqil kəşf etmə bacarıqlarını inkişaf etdirir. Kimya fənninin tədrisində innovativ pedaqoji tehnologiyalar, xüsusilə də layihə əsaslı təlim mühüm əhəmiyyət kəsb edir. Şagirdlər öyrənərkən təcrübə və simulyasiyalardan istifadə etdikdə öyrənilən məlumatlar daha uzun müddət yadda qalır. Təhsil prosesində innovasiyalardan istifadə olunması bu prosesi daha əyləncəli, interaktiv və nəticəyönümlü edir. Məqalədə ümumi təhsil məktəblərində kimya fənninin tədrisində innovasiyaların rolu təhlil olunmuşdur.
Açar sözlər: yenilik, şagird, inkişaf, layihə, kimyəvi təcrübə, öyrənmə, tətbiq etmə