DOI: https://doi.org/10.36719/2663-4619/120/72-76
Nizami Əkbərov
Azərbaycan Dövlət Pedaqoji Universiteti
https://orcid.org/0009-0005-4611-8754
adpu-kimya@mail.ru
Kəmalə İskəndərova
Azərbaycan Dövlət Pedaqoji Universiteti
https://orcid.org/0000-0001-9171-4444
kemaleisva@mail.ru
Kimya dili – kimyanın tədrisində idrak vasitəsi kimi
Xülasə
Bu məqalədə kimya fənninin tədrisində keyfiyyətli təhsilə nail olmaq üçün kimya dilinin kimyanın öyrədilməsində idrak vasitəsi kimi olmasından bəhs edilir. Qeyd olunmuşdur ki, kimya fənninin tədrisində keyfiyyətli təhsil məhz kimya dilinin öyrədilməsində fəndaxili və fənlərarası inteqrasiyadan, fənlərin keyfiyyətli tədrisindən başlayır. Təhsildə kimya dilinin tətbiqi, müasir təlim metodlarından da düzgün və məqsədli şəkildə istifadə olunması kimya fənninin mənimsənilməsinə müsbət təsir edir. Məqalədə həmçinin göstərilmişdir ki, təhsildə istifadə edilən idrak vasitələrindən biri də bu və ya digər fənnə aid olan termin və anlayışların, yəni həmin fənn dilinin anlaşıqlı və asanlıqla başa düşülən tərzdə olmasıdır. Kimya fənninin daha dərindən tədrisində və onun şagirdlər tərəfindən daha yaxşı mənimsənilməsində kimya dilinin rolu çox yüksəkdir. Belə ki, idrak nəzəriyyəsi baxımından, kimyəvi anlayış və terminlərin formalaşdırılması prosesi onların mənasının tamamilə açılmasından keçir. Kimyəvi anlayış dedikdə, ilk növbədə, kimya fənninin mənimsənilməsi prosesində şagirdlərin yiyələndikləri ümumiləşmiş bilik növü və təfəkkür forması nəzərdə tutulur. Kimya dilinin həmin fənnin dərindən mənimsənilməsinə və keyfiyyətli tədrisinə müsbət təsiri də bu məqalənin əsas ideya xətti kimi götürülə bilər.
Açar sözlər: kimya dili, idrak nəzəriyyəsi, kimyəvi anlayışlar, tədris, təlim, fənlər, müəllim, tələbə, keyfiyyətli təhsil, məktəb, universitet, kimya kursu