DOI: https://doi.org/10.36719/2663-4619/124/97-101
Ziyafət Əhmədzadə
Azərbaycan Respublikasının Prezidenti yanında
Dövlət İdarəçilik Akademiyası
magistrant
https://orcid.org/0009-0008-5583-6653
ziyafatahmadzada@gmail.com
İnsan kapitalının strateji dəyişikliklərin idarə edilməsində
rolunun təhlili
Xülasə
İnsan kapitalının strateji dəyişikliklərin idarə edilməsində rolu müasir təşkilatların rəqabət qabiliyyətinin və uzunmüddətli davamlılığının formalaşmasında əsas həlledici amillərdən biridir. Strateji dəyişikliklər yalnız texnoloji yeniliklər və struktur islahatlarla məhdudlaşmır; onların səmərəli həyata keçirilməsi birbaşa olaraq işçi qüvvəsinin bilik, bacarıq, innovativ düşüncə və adaptasiya potensialından asılıdır. Tədqiqat göstərir ki, yüksək səviyyədə inkişaf etmiş insan kapitalı dəyişikliklərə institusional çevikliyi artırır, qərarvermə proseslərini sürətləndirir və təşkilatın transformasiya prosesində riskləri minimuma endirir.
İnsan kapitalına investisiya təlim, rəqəmsal bacarıqların inkişafı, liderlik hazırlığı və motivasiya mexanizmlərinin gücləndirilməsi dəyişikliklərin idarə edilməsində kritik strateji resurs kimi çıxış edir. Bu, əməkdaşların dəyişiklik prosesini müsbət qəbul etməsini, yeniliklərin tətbiqinə aktiv qoşulmasını və təşkilati mədəniyyətin yenilənməsini təmin edir. Eyni zamanda, insan kapitalı strateji dəyişikliklərin idarəsində innovasiya mühitinin formalaşmasına, rəqəmsal transformasiya proseslərinin sürətlənməsinə və şirkətin uzunmüddətli strateji məqsədlərinə uyğun insan resursları siyasə-tinin qurulmasına imkan yaradır.
Açar sözlər: insan kapitalı, strateji dəyişikliklərin idarə edilməsi, təşkilati çeviklik, rəqəmsal transformasiya, innovasiya, liderlik, kadr potensialı, dəyişikliklərə adaptasiya, insan resurslarının inkişafı, idarəetmə effektivliyi