DOI: https://doi.org/10.36719/2706-6185/57/154-161
Kəmalə Rəsulova
Azərbaycan Dövlət Pedoqoji Universiteti
magistrant
https://orcid.org/0009-0009-6835-719X
kamala.rasulovaa@gmail.com
İnformasiya cəmiyyəti şəraitində ümumtəhsil
məktəblərinin strateji idarəedilməsi
Xülasə
XX əsrin ikinci yarısından etibarən informasiya və kommunikasiya texnologiyalarında baş verən qlobal inkişaf cəmiyyətlərin iqtisadi, sosial və mədəni strukturlarını köklü şəkildə dəyişdirərək sənaye rasionalından bilik yönümlü informasiya cəmiyyətinə keçidi sürətləndirmişdir. Bu yeni dövrdə bilik istehsalı və insan kapitalı yalnız iqtisadi artımın deyil, həm də sosial gücün və mədəni transformasiyanın başlıca meyarına çevrilmişdir. İnternetin yayılması və rəqəmsal platformaların çoxalması öyrənmə proseslərini demokratikləşdirmiş, fərdlərin bilik istehsalında daha aktiv iştirakını təmin etmişdir.
Bu transformasiyanın təhsil sisteminə təsiri isə strateji idarəetmə anlayışını yenidən düşünməyi zəruri edir. Müasir ümumtəhsil məktəbi tənqidi düşüncə, yaradıcılıq, problem həlli, rəqəmsal savadlılıq və əməkdaşlıq kimi XXI əsr bacarıqlarını inkişaf etdirən çoxlaylı öyrənmə ekosistemi rolunu daşımalıdır. Bu çərçivədə müəllim biliyi ötürən deyil, öyrənmə prosesini istiqamətləndirən fasilitator kimi çıxış edir; şagird isə araşdıran, analiz edən və bilik yaradan aktiv subyektdir. Rəhbərlik isə transformasiyaçı liderlik yanaşmasına əsaslanmalı, məlumat əsaslı qərarverməni və inklüziv təhsil mədəniyyətini təşviq etməlidir.
Beləliklə, informasiya cəmiyyəti şəraitində strateji məktəb idarəetməsi cəmiyyətin intellektual potensialının yüksəldilməsində, sosial bərabərliyin təminində və rəqabətqabiliyyətli yeni nəsillərin hazırlanmasında həlledici rol oynayır.
Açar sözlər: informasiya cəmiyyəti, strateji idarəetmə, rəqəmsal transformasiya, təhsil liderliyi, məktəb idarəçiliyi