Ərzaq məhsulları bazarında marketinq tədqiqatlarının inkişaf mexanizmi
İlahə Əliyeva 
Xülasə. Ərzaq məhsulları bazarı müasir iqtisadiyyatın ən dinamik və rəqabətli sahələrindən biri hesab olunur. Bu bazarda istehlakçı davranışlarının sürətlə dəyişməsi, qiymətlərin elastikliyi və məhsul keyfiyyətinə olan tələblərin artması marketinq tədqiqatlarının əhəmiyyətini daha da gücləndirir. Tədqiqatın məqsədi ərzaq məhsulları bazarında marketinq tədqiqatlarının inkişaf mexanizmini araşdırmaq və onun effektiv tətbiq istiqamətlərini müəyyən etməkdir. Araşdırmada sorğu, müşahidə və statistik təhlil metodlarından istifadə olunmuşdur. Nəticələr göstərir ki, düzgün qurulmuş marketinq tədqiqatları müəssisələrin bazar payını artırır, istehlakçı ehtiyaclarını daha dəqiq müəyyən etməyə imkan yaradır və risklərin idarə edilməsini asanlaşdırır. Eyni zamanda, rəqəmsal texnologiyaların tətbiqi məlumatların daha operativ toplanmasına və təhlilinə şərait yaradır. Tədqiqat göstərir ki, ərzaq sektorunda uğurlu marketinq fəaliyyəti yalnız sistemli tədqiqat mexanizmi ilə mümkündür. Nəticə etibarilə, marketinq tədqiqatlarının inkişafı müəssisələrin rəqabət qabiliyyətinin yüksəldilməsində strateji rol oynayır.
Açar sözlər: marketinq tədqiqatları, ərzaq bazarı, istehlakçı davranışı, rəqabət mühiti, analitik yanaşma