DOI: https://doi.org/10.36719/2663-4619/114/89-94
Pərvin Həsənova
Azərbaycan Dillər Universiteti
https://orcid.org/0009-0008-5867-0417
prvinhsnova4@gmail.com
Con Faulzun yaradıcılığında magik elementlərin ədəbi strukturu
Xülasə
Məqalə, XX əsr bədii şüurunda magik realizm probleminin təzahür xüsusiyyətləri və bu metodun Con Faulz yaradıcılığında tarixi, məhəbbət, psixoloji və mənəvi keyfiyyətlərin təsviri kontekstində araşdırılması məsələsinə həsr olunmuşdur. Con Faulz yaradıcılığında antik obrazlar və mifoloji motivlərin “Volxv” və “Mantissa” romanlarında magik realizmin təzahür xüsusiyyəti kimi qiymətləndirilməsi tədqiqatın problemi kimi dəyərləndirilir. Bu romanlarda magik realizm həyatın adiliklərində möcüzə tapmaq, əsərlərin ideya-məzmun qatına tutum, məna vermək, obrazların şəxsi keyfiyyətlərini, mənəvi dünyalarının zənginliklərini daha rəngarəng, təbii və canlı şəkildə təsvir etmək vasitəsidir. Eyni zamanda Con Faulzun magik realizmi, reallığın qeyri-mümkün məqamlarını, ekzistensial problemlərin tarixin müxtəlif dönəmlərində təkrarlandığını göstərmək vasitəsinə çevrildiyini və bu yanaşmanın onun ədəbi mirasına necə təsir etdiyi təhlil edilir.
Açar sözlər: ingilis ədəbiyyatı, magik realizm, fantastika, mistik elementlər, mif