DOI: https://doi.org/10.36719/2706-6185/57/77-81
Ülviyyə Paşşanova
Azərbaycan Dövlət Aqrar Universiteti
https://orcid.org/0009-0003-1889-2545
ulviyye.eliyeva.90.90@mail.ru
Elnurə Qasımova
Azərbaycan Dövlət Aqrar Universiteti
https://orcid.org/0009-0007-5798-2892
elnure.qasmova@mail.ru
Ayşən Allahverdiyeva
Gəncə Dövlət Universiteti
https://orcid.org/0009-0009-8991-9593
allahverdiyeva_20@bk.ru
Samira Abdullayeva
Azərbaycan Dövlət Aqrar Universiteti
https://orcid.org/0009-000208398-0907
akifnovruzov44@gmail.com
Mehriban Qasımova
Azərbaycan Dövlət Aqrar Universiteti
https://orcid.org/0009-0001-1188-189X
mehribanqasimova74@icloud.com
Alman və rus dillərində hallar sisteminin müqayisəli təhlili
Xülasə
Tədqiqatın əsas məqsədi alman və rus dillərində qrammatik halların sistemini müqayisəli təhlil edərək onların funksional və morfoloji xüsusiyyətlərini müəyyənləşdirməkdir. Araşdırmada istifadə edilən başlıca metodlar müqayisəli-qrammatik analiz, təsviri təhlil və kontrastiv analiz metodlarıdır. Alman və rus dillərində halların müqayisəli tədqiqi yalnız qrammatik strukturun öyrənilməsi deyil, həm də dilin semantik, kommunikativ və didaktik aspektlərinin daha dərindən dərk edilməsinə imkan verir. Alman və rus dillərində hallar sistemlərinin müqayisəli tədqiqi qrammatik paralellərin müəyyənləşdirilməsinə və elmi dilin terminoloji sabitliyinin təmininə xidmət edir. Bu istiqamət həm nəzəri dilçilik, həm də tərcümə praktikası baxımından mühüm elmi və tətbiqi əhəmiyyət daşıyır. Hər iki dildə hallar sistemi dilin morfoloji və sintaktik quruluşunda əsas qrammatik göstəricilərdən biridir. Rus dilində terminoloji ardıcıllıq hal sonluqları vasitəsilə, alman dilində isə artikl və sintaktik konstruksiyalarla təmin olunur.
Tədqiqat alman və rus dillərində qrammatik halların müqayisəli təhlilini apararaq onların funksional və morfoloji fərqlərini sistemli şəkildə müəyyən etmişdir, həmçinin dilin kontrastiv təhlili və tərcümə aspektləri üçün yeni elmi baza yaratmışdır.
Açar sözlər: qrammatik hallar, flektiv dillər, nominativ, genitiv, dativ, akkusativ, morfoloji və sintaktik ifadə