DOI: https://doi.org/10.36719/2663-4619/120/15-19
Könül Büyüker
Bakı Dövlət Universiteti
iqtisad üzrə fəlsəfə doktoru
https://orcid.org/0009-0002-2967-1871
k.buyuker@mail.ru
Nihat Büyüker
Atatürk Universiteti
magistrant
https://orcid.org/0009-0002-4879-2652
nihatbuyuker@hotmail.com
Ağıllı kənd təsərrüfatı texnologiyalarının tətbiqi və regionlarda
iqtisadi inkişafın stimullaşdırılması
Xülasə
Ağıllı kənd təsərrüfatı texnologiyalarının (AKTT) tətbiqi son illərdə kənd təsərrüfatının inkişafında yenilikçi istiqamət kimi ön plana çıxır. Dünya üzrə kənd təsərrüfatında rəqəmsallaşma və texnoloji yeniliklərin tətbiqi məhsuldarlığı artırmaqla yanaşı, resursların səmərəli istifadəsinə, ətraf mühitin qorunmasına və kənd yerlərində iqtisadi inkişafın sürətlənməsinə səbəb olur. Bu məqalənin məqsədi AKTT-nin əsas mahiyyətini, tətbiq sahələrini, kənd yerlərində iqtisadi inkişafa təsir mexanizmlərini və mövcud çağırışları təhlil etməkdir. Tədqiqatda beynəlxalq və yerli təcrübələr müqayisə olunur, kənd təsərrüfatı subyektlərinin qarşılaşdığı problemlər və onların həlli yolları araşdırılır. Nəticələr göstərir ki, AKTT kənd təsərrüfatının rəqabət qabiliyyətini artırmaq, kənd yerlərində əhalinin sosial rifahını yüksəltmək və davamlı inkişafa nail olmaq üçün əsas alətdir. Lakin AKTT-nin geniş tətbiqi üçün infrastruktur, maliyyə və insan kapitalı problemlərinin həlli vacibdir.
Açar sözlər: ağıllı kənd təsərrüfatı, iqtisadi inkişaf, texnologiya, rəqəmsallaşma, davamlılıq