DOI: https://doi.org/10.36719/2663-4619/115/144-147
Hüseyn Nağızadə
Qərbi Kaspi Universiteti
Magistrant
https://orcid.org/0009-0001-4867-0623
iamhuseyn02@gmail.com
1918-ci ildə Gürcüstan Demokratik Respublikasının yaradılması
Xülasə
Gürcüstan Demokratik Respublikasının yaranması, 20-ci əsrin əvvəllərindəki Cənubi Qafqazın mürəkkəb siyasi şəraitində mühüm bir mərhələni təşkil edir. 1917-ci ildə Rusiyada baş verən Fevral İnqilabı, Çar Rusiyasının süqutuna və imperiyanın parçalanmasına səbəb oldu. Bu, Cənubi Qafqaz xalqları üçün müstəqillik əldə etmək və öz gələcəklərini müəyyənləşdirmək üçün bir fürsət yaratdı. Gürcüstan bu tarixi dönəmdə fəal şəkildə müstəqillik hərəkatına qoşularaq, 1918-ci ilin may ayında Gürcüstan Demokratik Respublikasını elan etdi. Bu, Cənubi Qafqazın ilk müstəqil dövləti olmaqla yanaşı, regionun digər xalqları üçün də müstəqillik hədəflərinin işıqlandırılmasına səbəb oldu. Gürcüstan Demokratik Respublikası, qurulmasında demokratik prinsiplərə əsaslanan bir dövlət modeli təqdim etdi. Parlamentarizm, azad seçkilər, insan hüquqları və sərbəst mülkiyyət kimi müasir demokratik dəyərləri özündə cəm edirdi. Hökumət, milli suverenliyi qorumağa və ölkənin müstəqilliyini möhkəmləndirməyə çalışdı. Lakin, bu dövr daxili çətinliklər və xarici təzyiqlərlə üzləşdi. Gürcüstanın müstəqilliyi, Rusiyanın geosiyasi maraqları ilə qarşılaşdı. Xüsusən, Sovet Rusiyasının bolşevik inqilabından sonra bölgədə güclənən Sovet təzyiqləri, Gürcüstanın müstəqilliyini davam etdirməsini çətinləşdirdi. 1921-ci ilin fevralında Sovet Rusiyasının müdaxiləsi ilə başlayan silahlı mübarizə nəticəsində Gürcüstan Demokratik Respublikasının varlığı sona çatdı. Gürcüstan, Sovet İttifaqının tərkibinə daxil oldu və ölkə Sovet Sosialist Gürcüstan Respublikası olaraq dəyişdi.
Açar sözlər: Gürcüstan Demokratik Respublikası, demokratiya, Rusiya, bolşeviklər, Fevral İnqilabı