DOI: https://doi.org/10.36719/2706-6185/57/108-111
Zümrüd Məmmədova
Bakı Slavyan Universiteti
https://orchid.org/0009-0003-7398-424X
zmrdmmmdv2020@gmail.com
Yeni təlim texnologiyalarından istifadənin imkanları
Xülasə
Məqalə ali təhsil müəssisələrində tətbiq olunan müasir təlim texnologiyalarına həsr edilmişdir. Müasir dövrdə informasiya və kommunikasiya texnologiyaları olmadan gündəlik həyatı təsəvvür etmək, demək olar ki, mümkün deyil. Məqalədə müxtəlif innovativ texnologiyalardan istifadənin vəziyyəti təhlil edilir və göstərilir ki, bu vasitələr tələbələrin tədris prosesini əlçatan, maraqlı və səmərəli edir. Bununla yanaşı, təhsil sahəsində informasiya-sosial texnologiyaların rolu təhlil olunur. Qeyd edilir ki, bu texnologiyalar müəllim və tələbələrin geniş miqyasda kompüterləşdirilməsini təmin edir və informasiya texnologiyaları vasitələrinin tətbiqi sayəsində ali təhsil sistemində təhsil xidmətlərinin daha səmərəli və optimal təşkilinə imkan yaradır. Həmçinin göstərilir ki, informasiya bacarıqlarının tədris planlarına inteqrasiyası ali məktəblərdə təlimin kompüterləşdirilməsi məqsədilə universitet rəhbərliyi ilə müəllim heyəti arasında sıx əməkdaşlığı tələb edir. Müasir cəmiyyət daim inkişaf edir və yüksək təhsil səviyyəsinə malik, iş tapşırıqlarını yaradıcı şəkildə yerinə yetirmək bacarığına sahib mütəxəssislərin mövcudluğunu tələb edir. Belə mütəxəssislərin hazırlanmasında ali təhsil müəssisələrində tətbiq olunan texnologiyalar mühüm rol oynayır.
Açar sözlər: müasir texnologiyalar, təlim texnologiyaları, ali təhsil müəssisəsi, təhsil prosesinin kompüterləşdirilməsi