DOI: https://doi.org/10.36719/2706-6185/54/42-47
Şəhla Həsənzadə
Bakı Dövlət Universiteti
doktorant
https://orcid.org/0009-0000-8953-1438
shahla.aqill@gmail.com
Şəxsiyyətin öyrənilməsində psixodinamik
istiqamətin tətbiqi aspektləri
Xülasə
Psixodinamik istiqamət şəxsiyyətin öyrənilməsində insanın dərin, şüuraltı psixoloji proseslərini, erkən həyat təcrübələrinin təsirini və daxili konfliktlərin formalaşdırdığı davranış modellərini tədqiq etməyə imkan verir. Bu yanaşma şəxsiyyətin strukturunu id, eqo və supereqo kimi komponentlər üzərindən izah edir və müdafiə mexanizmlərinin emosional tənzimləmə və davranışın formalaşma-sında rolunu vurğulayır.
Psixodinamik istiqamət müşahidə, sərbəst assosiasiya, proyektiv testlər və yuxuların təhlili kimi üsullardan istifadə etməklə, fərdin şüuraltı motivlərini və psixoloji dinamikasını dərindən öyrənməyə şərait yaradır. Müasir psixodinamik yanaşmalar isə bağlanma nəzəriyyəsi, obyekt münasibətləri kimi konsepsiyaları inteqrasiya edərək şəxsiyyətin inkişaf faktorlarını daha geniş kontekstdə izah edir.
Bu çərçivə şəxsiyyətin formalaşması və problemlərin mənşəyinin tədqiqi üçün nəzəri və praktik baxımdan əhəmiyyətli bir tədqiqat istiqaməti hesab olunur.
Açar sözlər: psixoanaliz, şəxsiyyət, bağlanma nəzəriyyəsi, yuxu analizi, eqo