DOI: https://doi.org/10.36719/2663-4619/118/144-147
Ülvi Səmədzadə
Azərbaycan Dövlət İqtisad Universiteti
magistrant
https://orcid.org/0009-0006-1139-4377
samadzadaulvi@gmail.com
Şəbəkə təhülkəsizlik testlərinin təkmilləşdirilməsi istiqamətləri
Xülasə
Şəbəkə təhlükəsizliyi testlərinin təkmilləşdirilməsi informasiya texnologiyalarının sürətlə inkişaf etdiyi müasir dövrdə xüsusi əhəmiyyət kəsb edir. Bu sahədə aparılan testlərin əsas məqsədi potensial zəiflikləri müəyyən etmək, təhlükəsizlik boşluqlarını vaxtında aşkara çıxarmaq və hücum risklərini minimuma endirməkdir. Təkmilləşdirilmiş test yanaşmaları daha çevik, avtomatlaşdırılmış və real hücum ssenarilərinə yaxın metodların tətbiqini tələb edir. Buraya penetrasiya testlərinin daha sistemli qurulması, təhlükəsizlik auditlərinin dövri olaraq həyata keçirilməsi, süni intellekt və maşın öyrənməsi kimi texnologiyalardan istifadə ilə anomaliyaların daha sürətli aşkarlanması daxildir. Həmçinin, kibertəhlükələrə qarşı proaktiv müdafiə strategiyalarının inkişaf etdirilməsi və test nəticələrinin risk əsaslı təhlili də önəm daşıyır. Təhlükəsizlik testlərinin effektivliyi həm texniki bacarıqlardan, həm də təşkilati idarəetmə yanaşmalarından asılıdır. Bu baxımdan, şəbəkə təhlükəsizliyi testlərinin təkmilləşdirilməsi təşkilatların dayanıqlı və etibarlı rəqəmsal mühit qurmasında mühüm rol oynayır.
Açar sözlər: Şəbəkə, penetrasiya, analizlər ,süni intellekt, informasiya ,təhlükəsizlik