https://doi.org/10.36719/2663-4619/110/81-84
Elnur Həsənov
Azərbaycan Dövlət Aqrar Universiteti
https://orcid.org/0009-0009-9355-1496
Quba-Xaçmaz bölgəsində müşahidə olunan zərərvericilər
Xülasə
Quba-Xaçmaz bölgəsindəki zərərvericilərin müşahidəsi yalnız yerli kənd təsərrüfatı və bağçılıq üçün deyil, ümumiyyətlə, regional ekosistem üçün də əhəmiyyətlidir. Bu bölgədəki müsbət iqlim şəraiti və torpaq resursları kənd təsərrüfatının inkişafı üçün əlverişlidir, lakin eyni zamanda müxtəlif zərərvericilərin də meydana gəlməsinə səbəb olur. Bu zərərvericilər kənd təsərrüfatı məhsullarına ciddi təhlükə yaratmaqla yanaşı, bitki sağlamlığı və məhsulun keyfiyyəti üzərində mənfi təsir göstərir. Araşdırmalarda ən çox rast gəlinən zərərvericilərin növləri müəyyən edilmişdir və onların bitkilər üzərində yaratdığı ziyanlar təhlil olunmuşdur. Ən çox rast gəlinən zərərvericilər arasında armud bagacıgı, alma bitkisinə təsir edən növlər və müxtəlif həşəratlar yer alır. Bu növlər həm bitkilərin yarpaqlarına, həm də meyvələrinə ziyan vuraraq məhsul itkilərinə səbəb olur. Bioekoloji tədqiqatlar bu zərərvericilərin yayılma arealını və ekosistemə verdiyi təsirləri ətraflı şəkildə öyrənməyə imkan verib. Zərərvericilərin fəaliyyətini başa düşmək, onların bioloji xüsusiyyətlərini təhlil etmək və yayılma mühitini müəyyən etmək mübarizə tədbirlərinin daha səmərəli tətbiqinə kömək edir.
Açar sözlər: zərərvericilər, Quba-Xaçmaz, bioekoloji xüsusiyyətlər, kənd təsərrüfatı, aqrotexniki tədbirlər, pestisidlər, meyvə bitkiləri, mübarizə üsulları, ekosistem, tədqiqat