DOI: https://doi.org/10.36719/2706-6185/56/99-104
Günay Hüseynzadə
Bakı Biznes Universiteti
magistrant
https://orcid.org/0009-0009-5934-0572
gunayhuseynzad111@gmail.com
Azərbaycanda sosial müdafiə sisteminin inkişaf istiqamətləri
Xülasə
Məqalədə Azərbaycanda sosial müdafiə sisteminin mövcud vəziyyəti və onun gələcək inkişaf istiqamətləri kompleks şəkildə təhlil olunur. Sosial müdafiə sistemi əhalinin sosial risklərdən qorunması, gəlir bərabərsizliyinin azaldılması və sosial ədalətin təmin olunması baxımından dövlət siyasətinin mühüm tərkib hissəsidir. Müasir dövrdə qlobal iqtisadi dəyişikliklər, demoqrafik transformasiyalar, əmək bazarındakı yeniliklər və sosial strukturun dəyişməsi sosial müdafiə mexanizmlərinin təkmilləşdirilməsini zəruri edir. Sosial müdafiə sisteminin əsas komponentləri olan sosial sığorta, pensiya təminatı, ünvanlı dövlət sosial yardımı, sosial xidmətlər və aktiv məşğulluq proqramları elmi yanaşma əsasında araşdırılır. Eyni zamanda, sosial müdafiənin şəffaflığının və əlçatanlığının artırılması baxımından mühüm inkişaf istiqaməti kimi qiymətləndirilir.
Sosial müdafiə sisteminin davamlı inkişafı üçün inklüzivliyin daha da gücləndirilməsi, həssas əhali kateqoriyalarının cəmiyyətə inteqrasiyasının təmin edilməsi, aktiv əmək bazarı proqramlarının genişləndirilməsi və sosial xidmətlərdə peşəkarlıq səviyyəsinin artırılması xüsusi əhəmiyyət daşıyır. Məqalədə sosial müdafiə siyasətinin yalnız maddi təminat mexanizmi kimi deyil, insan kapitalının inkişafına, sosial sabitliyin qorunmasına və sosial dövlət modelinin möhkəmləndirilməsinə xidmət edən strateji istiqamət kimi qiymətləndirilməsi əsaslandırılır.
Açar sözlər: sosial müdafiə sistemi, sosial siyasət, sosial ədalət, inklüzivlik, sosial xidmətlər, əhali, inkişaf